تحریک عدم اعتماد کامیاب ہوئے گی:حمزہ شہباز

لہور(پنجابی میڈیا گروپ) پنجاب اسمبلی میں قائد حزب اختلاف حمزہ شہباز نے آکھیا اے کہ اج قوم عمران نیازی دے بھاشن سن رہی اے،سکیورٹی معملیاں اُتے غیرذمہ داری دا مظاہرہ کیتا گیا،ایہ کیہڑی خارجہ پالیسی اے،کیا پاکستان دے تجارتی مفاد دُوجے ملکاں نال جڑے نہیں ؟اپنے بیان وچ اوہناں نے آکھیاکہ چورتے ڈاکوسن سن کے کن پک گئے نیں۔ چین ورگے ملک نوں نراض کیتا گیا،کیاکدی مہنگائی ، غربت داکوئی حل کیتا؟پاکستان دی معیشت دیاں بنیاداں ہلا دتیاں،ایہ کسی دے مفاد نہیں عوام دے مسائل دی جنگ اے۔ تحریک عدم اعتمادکامیاب ہوئے گی،وزارت اعلیٰ دے چکر توں باہر نکلن ، پاکستان دا سوچن ، پاکستان دے بوہت دشمن نیں ،اسیں ملکی معیشت نوں ٹھیک کرنا اے۔