لیسکو نے گھراں لئی30ہزار سنگل فیز میٹر جاری کر دتے

لہور(پنجابی میڈیا گروپ) لیسکو نے گھران لئی ہور30 ہزار سنگل فیز میٹر جاری کر دتے ۔ دستاویزات دے مطابق لہور الیکٹرک سپلائی کمپنی نے28 فروری تک جمع ڈیمانڈ نوٹس اُتے کنکشن لان دے احکامات جاری کیتے نیں ۔کنکشن لان لئی ہور30ہزار سنگل فیز میٹر جاری کرن دی منظوری دتی گئی اے۔ کمپنی دے سارے سرکلاں نوں ڈیمانڈ دے مطابق میٹر جاری کیتے گئے نیں، لیسکو نے ریجنل تے فیلڈ سٹوراں نوں میٹراں دا اجرا کرن دے احکامات جاری کیتے نیں۔ واضح رہے کہ ایس توںپہلاں نومبر تک جمع ڈیمانڈ نوٹس اُتے کنکشن لائے جا رہے سن، میٹر گھٹ ہون پاروں کمپنی 6 مہنیاں تک کنکشن فراہم کرن وچ نکام رہی سی، لیکن کجھ مہینے پہلاں7لکھ سنگل فیز میٹر خریدن دی بورڈ آف ڈائریکٹر نے منظوری دتی، جس توں بعد مینوفیکچراں نے لیسکو نوں سٹاک دی فراہمی دا آغاز کر دتا۔