پارٹی تے میں تہاڈے نال ہاں: وزیراعظم دی وزیراعلی پنجاب نوں یقین دہانی

لہور(پنجابی میڈیا گروپ) وزیراعظم عمران خان نے وزیراعلی پنجاب سردار عثمان بزدار نوں یقین دہانی کروائی کہ پارٹی تے میں تہاڈے نال ہاں، بغیر کسی خوف دے کم کرو۔عمران خان، گورنر پنجاب چودھری سرور، صوبائی وزیراں دی ملاقات کیتی اندرونی کہانی ساہمنے آ گئی اے۔ وزیراعظم دے اعتماد نے پنجاب قیادت نوں قائل کر لیا ۔ وزیراعظم نے آکھیا کہ کجھ نہیں ہون جارہیا ۔ کیوں گھبرائے ہوئے او ۔ ایس دوران رلتیاں عمران خان دے اندازِ مخاطب نوں ویکھ کے مسکرا اٹھے۔ذرائع دے مطابق پنجاب وچ وزیر اعلی سنے گورنر، صوبائی وزیراں نوں وفاق وچ تحریک عدم اعتماد نکام بنان اُتے فوکس کرن دی ذمہ داری دے دتی گئی ۔گورنر تے وزیراعلی اراکان قومی اسمبلی نال رابطے ودھان: وزیراعظم دی ہدایت وزیراعظم نے ہدایت کیتی کہ گورنر تے وزیر اعلی اراکان قومی اسمبلی نال رابطے ودھان تے مل کے کم کرن جدکہ عثمان بزدار نوں اراکان صوبائی اسمبلی تے وزیراں دی شکایت نوں دور کرن دی ہدایت کیتی ۔ایس موقع اُتے عمران خان نے وزیراعلی پنجاب نوں یقین دہانی کروائی کہ پارٹی تے میں تہاڈے نال ہاں، بغیر کسی خوف دے کم کرو۔