روس نے ایٹمی جنگ دا خدشہ ردکردتا

ماسکو (پنجابی میڈیا گروپ) روس نے ایٹمی جنگ دا خدشہ رد کردتا ۔ برطانوی خبررساں ایجنسی رائٹراں دے مطابق روس دے وزیر خارجہ سرگئی لاوروف نے آکھیا کہ اوہناں نوں نہیں لگدا کہ یوکرین دا تنازع ایٹمی جنگ وچ تبدیل ہوئے گا ۔ لیکن اوہناں نے امریکا تے یورپ نوں خبردار کیتا اے کہ روس ہن دوبارہ کدی مغربی ملکاں اُتے انحصار نہیں کرنا چاہندا ۔ ترکی وچ اک صحافی نے وزیر خارجہ سرگئی لاوروف توں سوال کیتا کہ کیا جوہری جنگ شروع ہو سکدی اے؟ جس اُتے جواب دیندیاں ہویاں اوہناں نے آکھیا کہ میں ایس گل اُتے یقین نہیں کرنا چاہندا تے میں ایس اُتے یقین نہیں کردا۔