منی لانڈرنگ مقدمہ:فرح گوگی نے چیلنج کردتا

لہور(پنجابی میڈیاگروپ)پاکستان تحریک انصاف دے چیئرمین عمران خان دی گھر والی دی دوست فرح شہزادی نے منی لانڈرنگ دا مقدمہ درج کرن اُتے ایف آئی اے دے دائرہ اختیار نوں چیلنج کردتا ۔ایف آئی اے ولوں فرح گوگی تے اوہناں دے شوہر احسن جمیل گجر دے خلاف منی لانڈرنگ دا مقدمہ درج کیتا گیا اے، پچھلے دناں فرح شہزادی ولوں اوہناں دے وکیل اظہر صدیق نے ایف آئی اے دے دائرہ اختیار نوں چیلنج کردتا۔ایس حوالے نال اظہر صدیق نے درخواست ایف آئی اے وچ جمع کرادتی جس وچ آکھیا گیا اے کہ ایف آئی اے دا ایہ اختیار ہی نہیں کہ اوہ ایس معاملے وچ پئے ، اینٹی کرپشن پہلاں ہی ایس معاملے دی تحقیقات کرچکیا اے تے مقدمہ درج ہون توں بعد اوس نوں خارج وی کر چُکیا اے۔