صوبائی الیکشن:صدر عارف علوی دا30اپریل نوں کران دااعلان

اسلام آباد( پنجابی میڈیاگروپ)صدر مملکت ڈاکٹر عارف علوی نے پنجاب اسمبلی دے عام الیکشن30اپریل بروز اتوار نوں کران دا اعلان کردتا۔صدر مملکت نے تریخ دا اعلان الیکشن کمیشن ولوں تجویز کردہ تریخاں اُتے سوچ وچار کرن توں بعد کیتا۔الیکشن کمیشن نے 30اپریل توں 7مئی دے دوران پنجاب اسمبلی دے عام الیکشن کران لئی تریخ تجویز کیتی سی،الیکشن کمیشن نے الیکشن اتواروالے دن کران دی تجویز وی دتی سی ،ایس توں پہلاں الیکشن کمیشن دا اہم اجلاس سکندر سلطان راجہ چیف الیکشن کمشنر دی سربراہی وچ ہویا، جس دے بعد الیکشن کمیشن ولوں صدر مملکت نوں خط گھلیا گیا، خط وچ الیکشن کمیشن نے صوبہ پنجاب دے الیکشن دے انعقاد لئی30اپریل توں7مئی2023تک دیاں تریخاں تجویز کیتیاں۔خط وچ آکھیا گیا کہ صدر مملکت ولوں تریخ دے انتخاب توں بعد الیکشن کمیشن اپنے آئینی تے قنونی فرائض انجام دین لئی تیار اے۔