اینہاں دا پیو وی عمران خان نوں گرفتار نہیں کرسکدا،شیخ رشید

پنڈی( پنجابی میڈیاگروپ)سربراہ عوامی مسلم لیگ تے سابق وفاقی وزیر داخلہ شیخ رشید نے چیئرمین پی ٹی آئی دی ممکنہ گرفتاری اُتے ردعمل دیندیاں ہویاںآکھیا اے کہ اوہناں دا پیو وی عمران خان نوں گرفتار نہیں کرسکدا، اگر نوٹس دین آئے سن تے نوٹس ویسے وی دتا جاسکداسی۔اپنے اک بیان وچ سابق وفاقی وزیر شیخ رشید نے آکھیا کہ اینہاں دا دماغ خراب اے، ایہ عقل دے اندھ نیں، اینہاںدا دماغی توازن خراب ہوگیا اے، اینہاں نوں سپریم کورٹ دا جھٹکا لگ گیا اے، ایہ آرٹیکل6دی زَد وچ آن گے۔اوہناں نے آکھیا کہ ایہ مینوں پتا اے اینہاں دے بیلٹ باکس توں کیہ نکلنا اے لیکن میں شیئر نہیں کرنا چاہندا، اینہاں نے ذلیل و رسوا ہونا اے، رسوائی اینہاں دا مقدر اے، عمران خان نے کل دی تقریر وچ آکھیا میں سب نوں معاف کردا ہاں، عمران خان نے آکھیا اے بیٹھو گل کردے ہاں تے ایہ عمران خان توں کیہ چاہندے نیں؟ اک دفعہ تے عمران خان نوں مارن دی کوشش کرنا چاہندے نیں؟ایہ مصر تے سری لنکا دے نیڑے اپڑ چکے نیں ۔ ایس توں پہلاں اپنے سلسلہ وار ٹوئٹس وچ شیخ رشید نے آکھیا کہ زرداری الیکشن لئی تیار اے، فضل الرحمان تے شہبازشریف الیکشن توں فراری نیں ،ہائیکورٹ توں ہور اہم فیصلے آن گے، حکمران اقتدار دے میخانیاں وچ مدہوش100 جوتیاں وی کھاون گے100 پیاز وی تے الیکشن وی کروان گے۔