میرا ضمیر مطمئن اے ، میں کسی دے خلاف انتقامی کاروائی نہیں کیتی ،عثمان بزدار

لہور( پنجابی میڈیاگروپ) سابق وزیراعلی پنجاب سردار عثمان بزدار نے آکھیا اے کہ عدالتی حکم اُتے نیب دے روبرو پیش ہویا تے ساریاں سوالاں دے جواب دتے ، اسیں عوام دے منتخب نمائندے ہاں تے ہر سوال دے جوابدہ ہاں، میرے ساریاں اثاثیاں دی تفصیل الیکشن کمیشن تے ایف بی آر دے کول موجود نیں، میری اسپین امریکہ یا کِدھرے ہور جائیداداں نہیں ، الحمدللہ میں پاکستانی ہاں، میرا جینا مرنا پاکستان وچ اے۔ احتساب عدالت وچ پیشی توں بعد میڈیا نال گل بات کردیاں ہویاں عثمان بزدار نے آکھیا کہ نیب دے ساہمنے3 گھنٹے سوالاں دے جواب دتے،اسیں عدالتی حکم دی تعمیل کیتی اے ۔ اوہناں نے ایس سوال کہ الیکشن ویلے اُتے ہُندے وکھائی دے رہے دا جواب دیندیاںہویاں عثمان بزدار نے آکھیا کہ جیہڑا وی کم ہوئے آئین تے قنون دے مطابق ہونا چاہیدا اے۔