الیکشن کروان والے ہی جاندے نیں الیکشن کَدوں ہون گے،سعدرفیق

لہور(پنجابی میڈیاگروپ)مسلم لیگ (ن) دے سینئر مرکزی رہنما و وفاقی وزیر خواجہ سعد رفیق نے آکھیا اے کہ ایس ملک وچ الیکشن ہوئے گا وی یا نہیں میں نہیں جاندا، الیکشن کروان والے ہی جاندے نیں الیکشن کدوں ہوئے گا،جَد کھچڑی پکا رہے سن اوس ویلے نہیں پتا سی کہ ایہ کھچڑی پکے گی تے کڑوی کھچڑی سب نوں کھانی پئے گی، اوس ویلے ترے سارے حصہ دار سن، ہُن تُسی کہندے او کہ الیکشن کرائو ، ہُن تہانوں الیکشن یاد آگیا اے۔احتساب عدالت وچ پیشی دے موقع اُتے میڈیا نال گل بات کردیاں ہویاں خواجہ سعد رفیق نے آکھیا کہ پہلاں اک جعلساز نوں ہیرو بنایا تے فیر ہیرو نوں زیرو بنایا، فیر اینج دے فیصلے دتے گئے جنہاں دی بنیاد اُتے ریاست دیاںچولاں ہل گئیاں، اج تسی کہہ رہے او کہ الیکشن کراو ۔اوہناں نے آ کھیا کہ پارلیمنٹ تے جمہوریت نوں کمزور کرن دے عمل وچ عمران خان بنیادی کھیڈاری نیں، پارلیمنٹ نوں جیہڑیاں زنجیراں پہنائیاں گئیاں نیں۔