الیکشن لئی پیسے نہ ہون دا حکومت بہانہ بنا رہی اے: شاہ محمود قریشی

ملتان(پنجابی میڈیاگروپ)تحریک انصاف دے وائس چیئرمین شاہ محمود قریشی نے آکھیا اے کہ84کابینہ، پی ایس ایل، غیر ملکی دوریاں لئی پیسے موجود نیں، الیکشن لئی پیسے نہ ہون دا حکومت بہانہ بنا رہی اے۔ملتان وچ میڈیا نال گل بات کردیاں ہویاں سابق وزیر خارجہ شاہ محمود قریشی نے آکھیا کہ پی ایس ایل دے میچ ہو سکدے نیں پر الیکشن نہیں، الیکشن کمیشن نال گل کرن دا فیصلہ کیتا اے، چیف الیکشن کمشنر نوں آکھاں گا آئین نے شفاف الیکشن دی ذمہ داری دتی اے، اوہناں نوں آکھاں گے آو مل بیٹھ کے اینج دے الیکشن کرائے جس اُتے انگلی نہ چُکے کوئی۔تحریک انصاف دے مرکزی رہنما شاہ محمود قریشی نے ہور آکھیا کہ نگران وزیر اعلی پی ڈی ایم دی ایکسٹینشن نیں، گیلپ سروے نوں پڑھ لین ایہ لوگ کیتھے کھڑے نیں، جیل بھرو تحریک دا مقصد الیکشن دا حصول سی، الیکشن دااعلان ہو گیا اے، چودھری پرویز الہی نے مشکل ویلے وچ ساتھ دتا، اوہناں نوں تحریک انصاف وچ جی آیاں نوںکہندے ہاں۔