معیشت دی بہتری لئی ساریاں نوں مل بیٹھنا ہوئے گا ، اعظم نذیرتارڑ

اسلام آباد(پنجابی میڈیاگروپ)وفاقی وزیرقنون سینیٹر اعظم نذیرتارڑ نے آکھیااے کہ پاکستان وچ عورتاں دے حقوق دے ادارے فعال نیں،عورتاں دے حقوق لئی ہرفورم اُتے کم کرنا ہوئے گا، کوئی سیاسی جماعت الیکشن توں نہیں نٹھ رہی، ساریاں اسمبلیاں دے الیکشن اک ویلے اُتے ہون گے تے مسائل توں بچیا جاسکدا اے، ملک وچ ڈیجیٹل مردم شماری جاری اے جس اُتے35 ارب روپے دا خرچہ ہوئے گا، ملک دے کجھ حصیاں وچ پرانی تے بعض وچ نویں مردم شماری اُتے الیکشن کرانامناسب نہیں،سیاسی استحکام تے معیشت دی بہتری لئی سب نوں مل کے بیٹھنا ہوئے گا، عمران خان نوںاپنا رویہ درست کرن دی لوڑ اے، عدالتی بھگوڑا اپنے جرماں اُتے پردہ پان لئی عدلیہ بچائو تحریک شروع کررہیا اے ۔ وفاقی وزیر قنون و انصاف سینیٹر اعظم تارڑ نے پریس کانفرنس نال خطاب کردیاں ہویاں اوہناں نے آکھیاکہ عورتاں دے حقوق دے تحفظ لئی پرعزم نیں، ملک دی ادھی آبادی دے حقوق دی تکریم تے تقدس لئی مل کے گھٹ کرنا ہوئے گا، سرکاری تے نجی سطح اُتے عورتاں دے حقوق تے اوہناں دے تحفظ لئی مل کے کم کرن دی لوڑ اے۔