پی ڈی ایم قربانی دیوے تے عام الیکشن دا اعلان کرے:سراج الحق

کراچی(پنجابی میڈیاگروپ)امیر جماعت اسلامی سراج الحق نے آکھیا اے کہ حکمران سیلاب متاثرین دا پیسہ آئندہ الیکشن وچ استعمال کرن گے۔کراچی وچ پریس کانفرنس کردیاں ہویاں سراج الحق نے آکھیا کہ ملک وچ اندھیر نگری چوپٹ راج قائم اے، ایہ بین الاقوامی چور نیں اینہاں لوکاں نے پین، گھڑی، مرسڈیز نہیں چھڈی، توشہ خانہ دی تفصیل اُتے قوم دیاں آکھاں کھلنیاں چاہیدیاں نیں، پیپلز پارٹی نے1970وچ وی الیکشن نتائج نوں تسلیم نہیں کیتا سی، ایسی وجہ توں بنگلا دیش بنیا، پیپلز پارٹی نے آر او اُتے پریشر پایا،کراچی دے لوکاں نے پیپلز پارٹی نوں قبول نہیں کیتا ۔ امیر جماعت اسلامی سراج الحق نے ہورآکھیا کہ کراچی موہنجوداڑو دا منظر پیش کر رہیا اے، کراچی وچ پانی نہیں مل رہیا، ہسپتال مفلوج نیں، پیپلز پارٹی جمہوریت دے دعوے دی نفی کر رہی اے، الیکشن کمیشن اوہناںدے دبا وچ آن دی بجائے فیصلہ کرے، ملک وچ اک پاسے معاشی بدحالی ، دُوجے پاسے حکومت وچ سارے لوگ لٹ مار وچ مصروف نیں، 2 صوبیاں وچ الیکشن مسائل دا حل نہیں۔