دفعہ 144 بارے درخواست، الیکشن کمیشن نے نگران حکومت توں رپورٹ منگ لئی

اسلام آباد( پنجابی میڈیاگروپ)تحریک انصاف ولوں دفعہ 144بارے دراخوستاں اُتے الیکشن کمیشن نے نگران پنجاب حکومت توں رپورٹ منگ لئی۔ چیف سیکرٹری پنجاب نوں جاری مراسلے وچ آکھیا گیا اے کہ الیکشن کمیشن آئین تحت شفاف تے پُرامن الیکشن کروان دا پابند اے، پی ٹی آئی دی درخواست دے متن نوں سامنے رکھ کے کل تک الیکشن کمیشن نوں جامع رپورٹ دین الیکشن کمیشن نے اپنے مراسلے وچ ہور آکھیا اے کہ شکایت دے حوالے نال رپورٹ پیش کیتی جائے تاکہ ہور لائحہ عمل اُتے غور کیتا جائے، نگران صوبائی حکومت پنجاب توں حقائق بارے رپورٹ لین دا فیصلہ کیتا۔