مینوں قتل یا گرفتار کیتاجائے تے عوام کوشش جاری رکھن،عمران خان

لہور(پنجابی میڈیاگروپ)چیئرمین پاکستان تحریک انصاف عمران خان نے آکھیا اے کہ مینوں قتل یا جیل وچ دتاگیا تے عوام نے جدوجہد جاری رکھنی اے،حکومت داخیال اے عمران خان جیل چلا جائے گا تے قوم سو جائے گی،اپنی ساری زندگی جنگ لڑی تے لڑدا رہواں گا ۔ عوام دے پیغام دیندیاں ہویاں چیئرمین پی ٹی آئی عمران خان نے کہ پلس مینوں پھڑن تے جیل گھلن لئی آ گئی اے، اینہاں دا خیال اے عمران خان جیل چلا جائے گا تے قوم سو جائے گی، تُسی اینہاں نوں غلط ثابت کرنا اے ،تُسی ثابت کرنا اے کہ تُسی اک زندہ قوم تے نبیؐ دی امت او، لاالااللہ دے نعرے اُتے بنن والی قوم او۔ عمران خان نے آکھیا کہ تُسی اپنے حقوق تے حقیقی آزادی لئی کوشش کرنی اے تے باہر نکلنا اے، میں تہاڈی جنگ لڑ رہیا ہاں ، مینوں کجھ ہویا یا جیل گھلیا گیا یا ماردیندے نیں تے تُسی ثابت کرنا اے کہ عمران خان دے بغیر وی ایہ قوم جدوجہد کرے گی۔اوہناں نے آکھیا کہ اپنی ساری زندگی جنگ لڑی تے لڑدا رہواں گا، چوراں دی بدترین غلامی تے اک آدمی جیہڑے ملک دے فیصلے کررہیا اے، اوس نوںکَدی قبول نہ کرنا، پاکستان زندہ باد