رجسٹرار دا سرکلر سپریم کورٹ فیصلے دی خلاف ورزی اے:جسٹس قاضی فائز عیسی

اسلام آباد(پنجابی میڈیاگروپ)سپریم کورٹ دے جسٹس قاضی فائز عیسی نے آکھیا اے کہ رجسٹرار کول جوڈیشل آرڈر نوں کالعدم قرار دین دا کوئی اختیار نہیں اے ۔ رجسٹرار سپریم کورٹ نوں لکھے گئے خط وچ جسٹس قاضی فائز عیسی نے آکھیا کہ چیف جسٹس وی جوڈیشل آرڈر دے خلاف کوئی انتظامی آرڈر جاری نہیں کر سکدے، رجسٹرار دا31مارچ دا سرکلر سپریم کورٹ دے 3رکنی بینچ دے فیصلے دی خلاف ورزی اے۔جسٹس قاضی فائز عیسی نے خط وچ ہور لکھیا کہ تہانوں بطور سینئر افسر اپنی آئینی ذمہ داری دا ادراک ہونا چاہیدا اے، اگر تہانوں معلوم ہوئے ایہ کیس سوموٹو نمبر 4/2022 آرٹیکل 184/3 تحت ازخود نوٹس تحت سُنیا گیا اے، رجسٹرار عشرت علی نوں عہدے دا چارج چھڈن دا مشورہ وی دے دتا ۔ جسٹس قاضی فائز عیسی نے رجسٹرار نوں ہدایت کیتی کہ فوری طور اُتے سرکلر نوں واپس لین ، تہاڈا رویہ ظاہر کردا اے کہ رجسٹرار آفس وچ رہن دے اہل نہیں، آرٹیکل 175/3 تحت عدلیہ تے انتظامیہ مکمل طور اُتے وَکھ نیں، ہر شہری ونگوں تہاڈے اُتے وی آئین دا نفاذ ہُندا اے۔