عمران خان دے خوف توں پی ڈی ایم دماغی توازن کھو چکی اے:پرویزالٰہی

لہور(پنجابی میڈیاگروپ)سابق وزیراعلی پنجاب تے پی ٹی آئی صدر چودھری پرویزالٰہی نے آکھیا اے کہ عمران خان دے خوف توں پی ڈی ایم دماغی توازن کھوچکی اے۔انسٹیٹیوٹ آف کارڈیالوجی دے سربراہ ڈاکٹرعبدالوحید نال ملاقات دے دوران سابق وزیراعلی پرویزالٰہی دا کہنا سی کہ عمران خان دے خوف توں پی ڈی ایم دماغی توازن کھو چکی اے۔پی ٹی آئی رہنما دا کہنا سی کہ حکومت ات گرداں دی بجائے عدلیہ تے عوام نال لڑ رہی اے، لیکن فتح آئین تے عوام دی ہوئے گی، چیف جسٹس سرخرو ہون گے تے نوازشریف دے ناپاک ارادے خاک وچ مل جان گے۔پرویزالٰہی ہوراں ہور آکھیا کہ سووموٹو تے بنچاں دی بحث ثانوی اے، اصل مسئلہ90دناں وچ الیکشن نیں،90دناں وچ الیکشن اُتے سپریم کورٹ دے ججاں وچ کوئی اختلاف نہیں۔