وفاقی کابینہ ولوں فیصلہ مسترد کر دینا ہی کافی نہیں ،مریم نواز

اسلام آباد(پنجابی میڈیا گروپ)پاکستان مسلم لیگ(ن)دی چیف آر گنازئروسینئرنائب صدر مریم نوازہوراں آکھیا اے کہ وفاقی کابینہ ولوں فیصلہ مسترد کردینا ہی کافی نہیں ،آئین تے قنون دیاں دھجیاں اڑا کے لاڈلے نوں مسلط کرن دی کوشش کرن والیاں نوں کٹہرے وچ کھڑا کرنا چاہیدا اے،2018وچ جیہڑا کم فیض، کھوسہ تے ثاقب نثار نے کیتا سی،اوہ ذمہ داری ہُن ایس بنچ نے چُک لئی اے،ایس خوفناک تے ڈھٹائی نال کیتی گئی سہولت کاری تے ون مین شو دے خلاف سپریم کورٹ دی اکثریت نے بغاوت کر دتی۔ ٹوئٹر اُتے اپنے بیان وچ اوہناں آکھیاکہ اج دا فیصلہ ایس سازش دا آخری وار اے جس دا آغاز آئین نوںre-write کرکے پنجاب حکومت پلیٹ وچ رکھ بنچ دے لاڈلے عمران نوں پیش کیتی گئی کہ لو بیٹا، توڑ دیو تاکہ ساڈے ورگے سہولت کاراں دی موجودگی تے نگرانی وچ تہانوں دوبارہ سیلیکٹ کیتا جائے۔