کے پی الیکشن،پی ٹی آئی دا سپریم کورٹ وچ نویں پٹیشن دائر کرن دا فیصلہ

پشور(پنجابی میڈیا گروپ)خیبر پختونخوا وچ الیکشن دے سلسلہ وچ پاکستان تحریک انصاف خیبر پختونخوا دا سپریم کورٹ وچ نویں پٹیشن دائر کرن دا فیصلہ کر لئیا ۔ ترجمان شوکت یوسفزئی نے دسیا کہ خیبر پختونخوا وچ الیکشن لئی(اج)بدھ نوں سپریم کورٹ وچ نویں پٹیشن دائر کراں گے، پٹیشن بارے پارٹی دے سینئر رہنماواں دی وکیلاں نال مشاورت جاری اے۔پی ٹی آئی رہنما مطابق گورنر غلام علی نے خیبرپختونخوا وچ الیکشن لئی28مئی دی تریخ دتی سی،28مئی دی تریخ بعد وچ بغیر کسی وجہ دے تبدیل کرکے اکتوبر کردتی گئی ۔ شوکت یوسفزئی نے آکھیا کہ پٹیشن وچ عدالت توں استدعا کیتی جائے گی کہ28مئی نوں ہی الیکشن کران دا حکم دیوے۔