سپریم کورٹ دا فیصلہ آئین پاکستان دی فتح اے‘چودھری پرویز الٰہی

لہور(پنجابی میڈیاگروپ)پاکستان تحریکِ انصاف دے مرکزی صدر چودھری پرویز الٰہی نے سپریم کورٹ ولوں الیکشن کمیشن دے فیصلے نوں کالعدم قرار دین اُتے آکھیا اے کہ ایہ آئین پاکستان دی فتح اے۔چوہدری پرویز الٰہی نے اپنے بیان وچ آکھیا کہ چیف جسٹس عمر عطا بندیال نے سپریم کورٹ، آئین تے جمہوریت نوںبچا کے اپنا نام تریخ وچ رقم کرلئیا اے۔اج سپریم کورٹ نے نظریہ ضرورت نوں دفن کردتا تے چیف جسٹس نے آئین دے محافظ ہون دا حق ادا کردتا اے۔اوہناں نے ہور آکھیا کہ سپریم کورٹ دے فیصلہ نال پوری دنیا وچ ساڈی عدلیہ دا وقار اُچا ہویا اے۔چوہدری پرویز الٰہی نے آکھیا کہ اج پاکستان توں باہر وی خوشیاں منائی جا رہیاں نیں۔ اگر حکومت نے چیف جسٹس دے خلاف ایڈونچر دی کوشش دی تے قوم منہ توڑ جواب دیوے گی۔