مفتی عبدالشکوردی گڈی نوں حادثہ ہویا، ات گردی نہیں : رانا ثنا اللہ

اسلام آباد( پنجابی میڈیا گروپ)قومی اسمبلی وچ مرحوم وفاقی وزیر مفتی عبدالشکور نوں قومی اعزاز دین بارے قرارداد منظور کر لئی گئی۔قرارداد وفاقی وزیر مرتضی جاوید عباسی نے پیش کیتی جس نوں کثرت رائے نال منظور کر لئیا گیا، قرارداد وچ آکھیا گیا اے کہ مفتی عبدالشکور دی وفات اُتے گہرے دکھ دا اظہار کردیاں ہویاں مطالبہ کردے ہاں کہ ایس سانحہ دے سارے حقائق منظر عام اُتے لیائے جان، مفتی عبدالشکوردی ملی، دینی تے قومی خدمتاں نوں ہمیشہ یاد رکھیا جائے گا، مفتی عبدالشکور نے ساری عمر دین اسلام تے مخلوق خدا دی خدمت لئی صرف کیتی۔