بھارتی حکومت نے پلوامہ واقعے نوں سیاسی فائدے لئی استعمال کیتا،وزیر اعظم

لہور(پنجابی میڈیاگروپ)وزیر اعظم شہباز شریف نے آکھیا اے کہ بھارتی حکومت نے پلوامہ حملے نوں اپنے سیاسی فائدے لئی استعمال کیتا۔سماجی رابطے دی ویب سائٹ ٹوئٹر اُتے اپنے بیان وچ وزیر اعظم شہباز شریف نے آکھیا اے کہ پلوامہ واقعے دی حقیقت بارے سابق گورنر مقبوضہ کشمیردے انکشافات توں عیاں ہو گیا کہ کس طرح بھارتی حکومت نے سیاسی فائدے لئی صورتحال دا فائدہ چُکیا ۔اپنے ٹوئٹ وچ وزیر اعظم شہباز شریف نے ہورآکھیا کہ مقبوضہ کشمیر دے سابق گورنر دا انٹرویو پاکستان دے موقف دی تصدیق کردا اے، دنیا نوں بھارت دے اینج دے خطرناک رویے دا نوٹس لینا چاہیدا جیہڑا خطے لئی تباہ کن نتائج دا باعث بن سکدا اے۔