سیاسی انتقام ملک وچ پرانا وطیرہ اے،لہورہائیکورٹ

لہور(پنجابی میڈیا گروپ)لہور ہائیکورٹ نے اکھیا اے کہ سیاسی انتقام ساڈے ملک وچ پرانا وطیرہ اے ، ریاست اپنے رویئے اُتے وی نظر ثانی کرے، کالر توں پھڑ کے کھیچن اُتے انتشار تاں پھیلے گا،ماضی وچ وی گرفتاریاں ہُندیاں رہیاں نیںکیا ایہ کوئی پہلی گرفتاری دسی جس دے بعد اینہاں ہنگامہ ہویا،کیا سیاسی رہنماواں دی ذمہ داری نہیں کہ اوہ کارکناں نوں روکن،محترمہ بینظیر بھٹو اُتے قاتلانہ حملہ ہویا کارکن زخمی ہوئے اتنا ریکشن نہیں ہویا ،ماضی وچ کیہ کیہ ہُندا رہیا ،اوس اُتے وی رپورٹ آنی چاہیدی اے ۔ہائیکورٹ دے جسٹس علی باقر نجفی دی سربراہی وچ5رکنی بینچ نے سابق وزیر اعلی پنجاب عثمان بزداردے مقدمیاں دی تفصیل منگی دی درخواست اُتے سماعت کیتی۔عدالت نے عثمان بزادراُتے درج مقدمیاں دا ریکارڈ آئندہ سماعت اُتے پیش کرن دی ہدایت کردیاں ہویاں آکھیا کہ درج مقدمے وچ قنونی طریقے کار نوں اپنایا گیا یا نہیں۔ وکیل بیرسٹر مومن ملک ایڈووکیٹ نے آکھیا کہ ضمانت دے بعد عثمان بزادر اینٹی کرپشن وچ شامل تفتیش ہوچکے نیں ۔ جسٹس علی باقر نجفی نے آکھیاکہ کیا پنجاب حکومت نے مقدمیاں دی تفصیل فراہم کر دتی سی ۔ وکیل پنجاب حکومت نے آکھیا کہ عثمان بزداراُتے اک مقدمہ درج اے ، عثمان بزداردے خلاف 13انکوریاں زیر سماعت نیں ۔جسٹس مس عالیہ نیلم نے آکھیا کہ درخواست گزار نے درج مقدمے وچ حفاظتی ضمانت لئی ،کیا تُسی عبوری ضمانت لئی متعلقہ عدالت نال رجوع کیتا ۔