سیرت النبیؓ وچ عصرِ حاضر دے سارے مسائل دا حل موجود اے، وزیر مذہبی امور انیق احمد

اسلام آباد(بیوروروپورٹ)سیرت النبیؓ وچ عصرِ حاضر دے سارے مسائل دا حل موجود اے۔ ایہ گل نگران وزیر مذہبی امور انیق احمد نے سوموار نوں وفاقی ٹیکس محتسب وچ منعقدہ سیرت کانفرنس نال بطوراچیچے پروہنے خطاب دے دوران کیتی،وفاقی ٹیکس محتسب ڈاکٹر آصف محمود جاہ نے اپنے ادارے وچ سیرت النبی ؓ دی روشنی وچ عصر حاضر دے مسائل دا حلدے موضوع اتے سیرت کانفرنس منعقد کروائی۔ کانفرنس وچ ٹیکس محتسب دے افسراں تے ملازماں وچ نعت تے تقریراںدا مقابلہ وی شامل سی ۔ وزیر مذہبی امور انیق احمد دا وفاقی ٹیکس محتسب وچ منعقدہ سیرت کانفرنس نال خطاب دے دوران آکھیا کہ وفاقی ٹیکس محتسب وچ پہلی وار سیرت کانفرنس دا انعقاد خوش آئند اے، اللہ تعالی نے اپنے حبیب دا ذکر اچا فرمایا جیہڑاقیامت تک جاری رہے گا۔