سائفرکیس،خصوصی عدالت دا چیئرمین پی ٹی آئی، شاہ محمود نوں پیش کرن دا حکم

اسلام آباد(بیوروروپورٹ)آفیشل سیکرٹ ایکٹ عدالت نے سائفر کیس وچ چیئرمین پی ٹی آئی تے وائس چیئرمین شاہ محمود قریشی نوں پیش کرن دا حکم دے دتا۔سائفر کیس وچ آفیشل سیکرٹ ایکٹ عدالت نے سپرنٹنڈنٹ اڈیالہ جیل نوں چیئرمین پی ٹی آئی تے شاہ محمود قریشی نوں4 اکتوبر والے دن پیش کرن دا حکم دتا اے۔سائفر کیس دا چالان جمع ہون دے بعد جج ابوالحسنات ذوالقرنین نے نوٹس جاری کردیاں ہویاں آکھیا کہ گواہواں دے بیان ملزماں نوں نوٹس جاری کرن لئی کافی نیں، چیئرمین پی ٹی آئی تے شاہ محمود قریشی اڈیالہ جیل وچ قید نیں، دوناں دی عدالت پیشی دے حوالے نال سپرنٹنڈنٹ جیل نوں نوٹس جاری کیتا جاندا اے۔عدالت نے پی ٹی آئی وکیل خالد یوسف ولوں دائر سائفر کیس دی نقل فراہم کرن دی درخواست منظور کر لئی، عدالتی عملے دا کہنا اے کہ چالان دی نقل پرسوں فراہم کر دتی جائے گی۔