عالمی بینک نے غربت مٹان لئی بینظیرانکم سپورٹ پروگرام نوں ناکافی قرار دے دتا

گڈیاں دی خریداری، خرچیاں وچ کمی، تنخواہ، پینشن اسٹرکچر وچ اصلاح کرن اتے زور
اسلام آباد(بیوروروپورٹ)عالمی بینک نے غربت مٹان لئی بینظیرانکم سپورٹ پروگرام نوں ناکافی قرار دیندیاں ہویاں گڈیاں دی خریداری، اخراجات وچ کمی، تنخواہ، پینشنز اسٹرکچر وچ اصلاح کرن اتے زور دتا اے۔ عالمی بینک نے اپنی رپورٹ وچ آکھیاکہ پچھلے 20 ورھیاں توں پاکستان وچ غربت وچ مسلسل اضافہ ہو رہیا اے، آئندہ مالی سال غربت دی سطح 39.4 فیصد توں گھٹ ہو کے 35 فیصد تک رہن دا امکان اے۔ رپورٹ مطابق رائز ٹو پروگرام تحت عالمی بنک توں 35 کروڑ ڈالر بورڈ دی منظوری نال چھیتی ملن گے، ایس مالی سال پاکستان دی معاشی گروتھ 1.7 فیصد تک رہ سکدی اے۔عالمی بینک دی رپورٹ مطابق 20 ورھے پہلاں غربت گھٹ سی، غربت مٹان لئی بینظیرپروگرام بجٹ ودھانا ہوئے گا، پاکستان وچ رئیل اسٹیٹ شعبے وچ سرمایہ کاری لئی لوکاں وچ اعتماد دا فقدان اے۔