مولانا فضل الرحمن مسلم لیگ ن دے اسلامی ترجمان نیں، شعیب شاہین

اونہاں نوںزیب نہیں دیندا کہ اوہ الیکشن دیر نال کرواندا بیان دیون، ترجمان تحریک انصاف
اسلام آباد (بیوروروپورٹ)پاکستان تحریک انصاف دے ترجمان شعیب شاہین نے مولانا فضل الرحمن دے سردیاں وچ الیکشن کروان دے بیان اُتے اپنا ردِعمل دیندیاں آکھیا اے کہ مولانا فضل الرحمن مسلم لیگ (ن ) دے اسلامی ترجمان نیں۔ترجمان پی ٹی آئی تے ممبر کور کمیٹی شعیب شاہین نے اک انٹرویو وچ اونہاں نے آکھیا کہ مولانا فضل الرحمٰن مسلم لیگ ن دے اسلامی ترجمان نیں۔اونہاں نے آکھیا کہ مسلم لیگ (ن ) دی جیہڑی خواہش ہُندی اے اوہ مولانا فضل الرحمن بیان کر دیندے نیں۔شعیب شاہین نے آکھیا کہ مولانا فضل الرحمن نے صرف سردیاں وچ الیکشن ملتوی کرن دا ذکر نہیں کیتا، اونہاں توں پچھیا جائے کہ اونہاں نے الیکشن نہ کروان دا وی بیان دتا اے۔