سائفر کیس،عمران خان دی درخواست ضمانت اُتے کارروائی اوپن کورٹ وچ ہوئے گی، عدالت نے درخواست نمٹادتی

وکیل جنہاں معلوماتاں یا دستاویزاں دے حساس ہون دی نشاندہی کرن گے اوس اُتے دلائل ان کیمراسنے جان گے، عدالتی فیصلہ
اسلام آباد(بیوروروپورٹ) ہائیکورٹ نے عمران خان دی سائفر کیس وچ درخواست ضمانت اُتے ان کیمرا کارروائی دی درخواست نمٹادتی ۔ تفصیل دے مطابق وفاقی تحقیقاتی ادارے ایف آئی اے نے عدالت وچ مؤقف اختیار کیتا سی کہ چونکہ سائفر کیس ٹرائل کورٹ وچ ان کیمرا چل رہیا اے ایس لئی ہائیکورٹ وچ ضمانت دی درخواست اُتے وی ان کیمرا کارروائی کیتی جائے کیونکہ ایس حوالے نال حساس معلوماتاں نیں تے عدالت سامنے ایسیاں معلوماتاں، دستاویزاں رکھنیاں نیں جنہاں نوںپبلک نہیں کیتا جاسکدا اے۔اسلام آبادہائیکورٹ دے چیف جسٹس عامر فاروق نے ایف آئی اے دی درخواست اُتے فیصلہ سنایا جس وچ عدالت نے چیئرمین پی ٹی آئی عمران خان دی سائفر کیس وچ درخواست ضمانت اُتے ان کیمرا کارروائی دی درخوست نمٹادتی۔اسلام آباد ہائیکورٹ نے فیصلہ دتا کہ سائفرکیس وچ درخواست ضمانت دی سماعت 9 اکتوبر نوں اوپن کورٹ وچ ہوئے گی۔