لہور:جعلی ویزیاں اُتے یونان جان والے 3 مسافر آف لوڈ، ایجنٹ وی گرفتار

ملزماں نے فی کس 25 لکھ روپے دے عوض ایجنٹاں توں کارڈ تے جعلی اسٹیمپاں لوائیاں
لہور ( پنجابی میدیا گروپ) ایف آئی اے امیگریشن نے لہور ائرپورٹ اُتے کارروائی کردیاں ہویاں جعلی ویزیاں اُتے یونان جان والے 3مسافراں نوں آف لوڈ کر دتا۔ائرپورٹ اُتے چیکنگ بعد ملزماں ولوں وکھایا جان والا یونان دا ویزا جعلی نکلیا۔ ملزماں دے پاسپورٹاں اُتے ایتھنز روانگی تے پاکستان آمد دیاں جعلی اسٹیمپاں لگیاں ہویاں سن ۔ ایف آئی اے دے مطابق مسافراں دی آمد و روانگی دے حوالے نال سسٹم وچ کوئی سفری ریکارڈ موجود نہیں سی۔ ملزم فلائٹ نمبر ای وائے 242 توں یونان جا رہے سن۔ملزم محمد زبیر، وحید اختر، تے اسد دانیال نے فی کس 25 لکھ روپے دے عوض ایجنٹاں توں کارڈ تے جعلی اسٹیمپاں لوائیاں۔