چیئرمین پی ٹی آئی صدر مملکت توں بوہت مایوس تے دکھی نیں، علیمہ خان

گل کرن کوئی نہیں آیا ، اونہاں نوں سائفر کیس وچ لمبے عرصے لئی جیل گھلن دی تیاری ہورہی اے،میڈیانال گل بات
لہور (پنجابی میڈیا گروپ) چیئرمین پی ٹی آئی دی بہن علیمہ خان نے آکھیا اے کہ چیئرمین پی ٹی آئی صدر مملکت توں بوہت مایوس تے دکھی نیںکہ اونہاں نے الیکشن دی تریخ دا اعلان نہیں کیتا،چیئرمین دا خیال سی کہ ساڈھے صدر نوں اینہے اہم ویلے اپنی قوم لئی کھڑا ہونا چاہیدا سی۔انسدادِ دہشت گردی عدالت لہور وچ 9مئی جلائو گھیرائو مقدمیاں دی سماعت دے بعد علیمہ خان نے میڈیا نال گل بات کردیاں ہویاں آکھیا کہ چیئرمین پی ٹی آئی کمزور ہورہے نیں تے اونہاں دا وزن بوہت گھٹ گیا اے لیکن اونہاں دے جذبے اُچے نیں، اونہاں دے کول ورزش تے واک لئی جگہ نہیں، اونہاں دا پیغام اے کہ اونہاں نوں سائفر کیس وچ لمبے عرصے لئی جیل گھلن دی تیاری ہورہی اے۔