صدر تے وزیراعظم نال نیول چیف امجد نیازی دی الوداعی ملاقات

اسلام آباد(پنجابی میڈیا گروپ)صدر مملکت تے نگران وزیراعظم نال سبکدوش ہونے والے چیف آف نیول سٹاف ایڈمرل محمد امجد خان نیازی نے الوداعی ملاقات کیتی ۔صدر مملکت ڈاکٹر عارف علوی نال چیف آف نیول سٹاف ایڈمرل محمد امجد خان نیازی نے ایوان صدر وچ الوداعی ملاقات کیتی۔ملاقات وچ صدر مملکت نے ایڈمرل محمد امجد خان نیازی دی ملک تے پاک بحریہ لئیخدمتاں نوں سراہیا، دفاعی شعبے تے سمندری امور اُتے ایڈمرل محمد امجد خان نیازی دے کردار دی وی تعریف کیتی۔ڈاکٹر عارف علوی نے ایڈمرل امجد خان نیازی دے مستقبل لئی وینیک تمنادا اظہار کیتا۔بعدوچ نگران وزیراعظم انوار الحق کاکڑ نال وی چیف آف نیول سٹاف ایڈمرل محمد امجد خان نیازی نے ملاقات کیتی، ملاقات دے دوران نگران وزیراعظم نے پاک بحریہ لئی ایڈمرل محمد امجد خان نیازی دیاں خدمتاں نوں سراہیا۔ایس موقع اُتے نگران وزیراعظم انوار الحق کاکڑ دا کہنا سی کہ تسی بہترین طریقے نال پاک بحریہ دی قیادت کیتی تے ملکی دفاع نوں ناقابل تسخیر بنان وچ کلیدی کردار ادا کیتا۔