پریکٹس اینڈ پروسیجر ایکٹ: جے یو آئی دا تحریری جواب عدالت وچ جمع

اسلام آباد( پنجابی میڈیا گروپ) سپریم کورٹ پریکٹس اینڈ پروسیجر ایکٹ دے خلاف کیس وچ جمعیت علمائے اسلام(ف)نے تحریری جواب عدالت وچ جمع کرا دتا۔جواب جمعیت علمائے اسلام (ف) دے وکیل کامران مرتضی نے جمع کرایا۔تحریری جواب وچ استدعا کیتی گئی اے کہ پریکٹس اینڈ پروسیجر ایکٹ خلاف درخواستاں مسترد کیتیاں جان۔جے یو آئی نے جواب وچ موقف اختیار کیتا کہ درخواست گزاراں دا ایہ موقف بے بنیاد اے کہ مذکورہ قنون آرٹیکل 184(3) دے متصادم اے، عدالتی فیصلیاں دے مطابق مذکورہ ایکٹ آئین و قنون نال متصادم نہیں اے، پارلیمنٹ ہی اوہ فورم اے جیہڑا قنون بنا سکدا اے یا اوس وچ ترمیم کر سکدا اے۔تحریری جواب وچ ہورآکھیاگیا اے کہ مذکورہ قنون توں عدالت عظمی نوں حاصل اختیاراں وچ تبدیلی نہیں کیتی گئی، آئینِ پاکستان اختیارات کسی اک فرد نوں تفویض نہیں کردا۔