ساڈی ایٹمی قوت عوام دے تحفظ و سلامتی دی ضامن اے: شبلی فراز

اسلام آباد: شبلی فراز نے آکھیا اے کہ پاکستان نوں اج دے دن ایٹمی طاقت بنن دا اعزاز حاصل ہویا، ساڈی ایٹمی قوت عوام دے تحفظ و سلامتی دی ضامن اے۔

وزیر اطلاعات شبلی فراز نے سماجی رابطے دی ویب سائٹ تے ٹویٹ کردے ہوئے آکھیا قومی وقار تے سالمیت ساڈے لئی سب توں مقدم اے، قوم ملکی دفاع تے ترقی لئی اک اے، مریم نواز ایٹمی قوت بنان والیاں دی محنت نوں اپنے خاندان توں نہ جوڑن، کارکناں نوں تنہا چھڈ کر ہر بار میدان توں نسن والیاں توں قوم آگاہ اے۔

سینیٹر شبلی فراز دا کہنا سی جیڑے اپنے بیانیے توں وفا نہ کرسکے اوہ عوام توں کیتا وفا کرن گے ؟ توسی قیادت دی وفا مٹی توں نہیں پیسے توں رہی، انہاں وفاو¿ں دی تصاویر ایون فیلڈ و دیگر جائیداداں دی صورت نظر آندی ایں۔