ن لیگ نے ہمیشہ سیاست اُتے ریاست نوں ترجیح دتی،شہباز شریف

لہور(پنجابی میڈیا گروپ) مسلم لیگ (ن) دے صدر تے سابق وزیراعظم شہباز شریف نے آکھیا اے کہ ن لیگ نے ہمیشہ سیاست اُتے ریاست نوں ترجیح دتی۔مسلم لیگ (ن) دے صدر شہباز شریف نال لہور تے پنجاب ٹریڈرز ایسوسی ایشنز دیعہدیداراں تے نمائندیاں نے ملاقات کیتی، ملاقات وچ ملکی مجموعی صورتحال تے معیشت اُتے تبادلہ خیال کیتا گیا۔شہباز شریف نے تاجراں نال گل کردیاں ہویاں آکھیا اے کہ نواز شریف معاشی مشکلاں دے حل دا ایجنڈا دین گے، مسلم لیگ(ن) نے ہمیشہ سیاست اُتے ریاست نوں ترجیح دتی اے۔ایس موقع اُتے تاجراں نے درپیش معاشی مشکلاں دے حوالے توں آگاہ کیتا، تاجراں نے ملک نوں ڈیفالٹ توں بچان اُتے بطور وزیراعظم شہباز شریف دی کوششاں نوں خراج تحسین پیش کیتا۔تاجراں نے شہباز شریف دیمیثاق معیشت دی تجویز دی بھرپور تائید و حمایت کیتی تے آکھیا کہ تاجر برادری دل و جان نال میاں نواز شریف دا استقبال کرے گی۔