بجلی 1روپیہ 71 پیسے فی یونٹ وَدھ گئی

اسلام آباد( پنجابی میڈیا گروپ) عوام لئی اک ہور بری خبر سامنے آگئی اے، بجلی دی قیمت اک وارفیر اک روپیہ 71 پیسے فی یونٹ وِدھا دتی گئی۔میڈیا دے مطابق بجلی داریٹ اک وار فیر ودھا دتا گئیا اے جس دی نیشنل پاور اینڈ ریگولیٹری اتھارٹی (نیپرا) نے منظوری دیندیاں ہویاں نوٹی فکیشن جاری کردتا۔نیپرا دے نوٹی فکیشن دے مطابق بجلی دی قیمت وچ 1 روپے 71 پیسے فی یونٹ ودھا کیتا گیا اے جیہڑا کہ ماہانہ فیول ایڈجسٹمنٹ دی مد وچ کیتا گیا اے، ودھا دااطلاق ایس مہینے دے بلاں اُتے ہوئے گا جس نال صارفین اُتے 22 ارب توں وَدھ دااضافی بوجھ پئے گا۔نوٹی فکیشن دے مطابق قیمت وچ ودھا دا اطلاق لائف لائن سنے کے الیکٹرک دے صارفین اُتے نہیں ہوئے گا۔