سارے سازشی کردار انجام نوں اپڑگئے،مریم نواز

لہور(پنجابی میڈیا گروپ)پاکستان مسلم لیگ (ن) دی سینئر نائب صدر تے چیف آرگنائزر نے آکھیا اے کہ سارے سازشی کردار انجام نوں اپڑ چکے نیں۔پاکستان مسلم لیگ (ن)اقلیتی ونگ دا مشاورتی اجلاس ہویا جس وچ اظہار خیال کردیاں ہویاں مریم نوازشریف نے آکھیا کہ 21 اکتوبر نوں مہنگائی وچ کمی واپس آرہی اے، 2013 توں 2018 تک نوازشریف دے دور وچ مہنگائی کنٹرول وچ رہی، نوازشریف نوں کَڈیا تے ملک توں ترقی تے خوش حالی وی نکل گئی تے امن وسکون وی نکل گیا۔مریم نوازشریف نے آکھیا کہ پاکستان دے نوجواناں نوںمذموم مقصد لئی استعمال کیتاگیا، اگ تے خون دیاں ندیاں بہایاں گئیاں، اللہ تعالی دے فضل نال سارے سازشی کردار اپنے انجام نوں پہنچ چکے نیں، سب کجھ بھلا کیپاکستان دی ترقی اُتے توجہ مرکوز کرنی اے۔اونہاں دا کہنا سی کہ اج پاکستان دیاں اقلیتاں دے خوبصورت رنگ ایتھے ویکھ کے بوہت خوشی ہورہی اے، قائد نواز شریف نے مسلم تے غیرمسلم پاکستانیاں دے حقوق وچ کَدی امتیاز نہیں وَرتیا، نوازشریف کرسمس والے دن پیدا ہوئے، سکھ برادری نوں ویکھ کے اپنے دادا دے پیدائشی علاقے امرتسر دی یاد آگئی ، امرتسر وچ دادا دے گھر نوں گوردوارہ بنا دتا گیا سی، امرتسر توں ہمیشہ دعاواں دے پیغام آندے نیں۔