لہور وچ لوکاں داشہباز شریف دی گڈی نوں روک کے احتجاج

لہور( پنجابی میڈیا گروپ)سابق وزیراعظم شہباز شریف دی گڈی نوں لہور دے دورے وچ کاہنہ دی عوام نے روک کیاحتجاج کیتا، نالے نوں پکا کرن دا مطالبہ کیتا جس دی ویڈیوز وائرل ہوگئی۔میڈیا دے مطابق سابق وزیراعظم تے مسلم لیگ (ن) دے صدر میاں شہباز شریف عوامی رابطہ مہم لئی لہور دے دورے اُتے نکلے ایس دوران اوہ کاہنہ پہنچے تیعوام نے اونہاں دی گڈی روک لئی تے احتجاج کیتا جس دی ویڈیوز وائرل ہوگئی۔اطلاع اے کہ واقعہ اک دن پہلاں رات نوں پرانا کاہنہ فیروز پور روڈاُتے پیش آیا جیتھے مقامی لوکاں نے احتجاجی کیمپ لایا ہویا سی، حالانکہ شہباز شریف ایسی حلقے این اے 132 توں رکن اسمبلی سن ایسی لئی عوام نے شہباز شریف دے قافلے نوں اگے ودھن توں روک د تا، اونہاں نوں برا بھلا آکھیا تے رستہ دین نال انکار کردتا۔بعد وچ احتجاج وچ شامل کجھ وڈھیاں نے گڈی دے نیڑے پہنچ کے شہباز شریف نال گل کیتی تے لوکاں نوں چپ کران دی کوشش کیتی ۔