قومی اسمبلی دا1 دن دا خرچہ 6 کروڑ 65 لکھ روپے رہیا، 5ورھیاں دی رپورٹ جاری

اسلام آباد( پنجابی میڈیا گروپ)پلڈاٹ نے قومی اسمبلی دی 5ورھیاں دی رپورٹ جاری کردتی جس دے مطابق ایس ایوان نے جمہوریت نوں کمزور کیتا، قومی اسمبلی دے اک دن دا اوسطا خرچہ 6 کروڑ 65 لکھ تے اجلاس دے 1گھنٹے دا اوسطا خرچہ 2 کروڑ 42 لکھ روپے رہیا۔پلڈاٹ نے اپنی رپورٹ وچ آکھیا اے کہ منتخب نمائندیاں نے جمہوریت نوں کمزور کرن لئی اپنے آپ نوں استعمال ہون دا موقع دتا، قومی اسمبلی دے 1 دن دا اوسطا خرچہ 6 کروڑ 65 لکھ تے اجلاس دے 1 گھنٹے دا اوسطا خرچہ 2 کروڑ 42 لکھ روپے رہیا،5ورھیاں دوران قومی اسمبلی نے 1 ایم این اے اُتے2 کروڑ پنچ لکھ روپے خرچ کیتے۔رپورٹ وچ دسیا گیا اے کہ 15ویں قومی اسمبلی دے5ورھیاں دے دوران ارکاناں دی حاضری 61 فیصد رہی، قومی اسمبلی وچ وزیراعظم عمران خان دی حاضری صرف 11 فیصد رہی، وزیراعظم شہباز شریف دی حاضری 17 فیصد رہی۔اگر جائزے وچ پچھلیاں اسمبلیاں نوں وی ملایا جائے تے 13 ویں قومی اسمبلی وچ وزیراعظم یوسف رضا گیلانی دی حاضری 76 فیصد وی جد کہ پچھلے 20 ورھیاں دے دوران 9 وزرائے اعظم وچ عمران خان دی حاضری سب توں گھٹ رہی۔15ویں قومی اسمبلی وچ سب توں وَدھ گل جماعت اسلامی دے رکن عبدلاکبر چترالی نے کیتی، خواجہ آصف، اسعد محمود، مرتضی جاوید عباسی تیصلاح الدین سب توں وَدھ گل توںگل کرن والیاں وچ شامل رہے۔ ارکاناں دی گھٹ حاضری، نامکمل کورم، قنون سازی اُتے بحث نہ ہونا تے غیرمتعلقہ تقریراں 15ویں قومی اسمبلی دی غیرسنجیدگی نوں ظاہر کردی اے۔پلڈاٹ نے رپورٹ وچ دسیا کہ 15ویں قومی اسمبلی دے اختتام نے آئندہ عام الیکشن دے انعقاد نوں غیر یقینی کیفیت وچ پائیا، 15ویں قومی اسمبلی نے وڈھے بحراناں دے حل لئی کوئی کردار ادا نہیں کیتا، سیاسی جماعتاں دے منتخب نمائندیاں نے قومی اسمبلی نوں اک دُوجے نوں نیچا وکھان لئی استعمال کیتا، منتخب نمائندیاں نے پارلیمانی ڈیکورم تے جمہوریت نوںجمہوریت نوں مجروح کیتا،قلیل مدت دے فائدے لئی منتخب نمائندیاں سیاسی عمل دے تسلسل نوں نقصان پہنچایا۔رپورٹ وچ دسیا گیا اے کہ 15ویں قومی اسمبلی نے اپنے5ورھیاں وچ 279 قنون منظور کیتے، 15ویں قومی اسمبلی دے آخری دناں وچ جلدبازی وچ ہون والی قنون سازی نال پارلیمانی جمہوریت دے بنیادی اصولاں نوں مجروح کیتا گیا، 15ویں قومی اسمبلی وچ 14ویں قومی اسمبلی دے دوران منظور کیتے گئے 192 قنون دے مقابلے وچ 45 فیصد ودھا ویکھیا گیا۔دسیا گیا اے کہ قومی اسمبلی دے آخری 21 دناں وچ 73 بل منظور کیتے گئے جنہاں وچوں 36 بل کمیٹیاں نوں گھلیاںبغیر منظور کیتے گئے، تحریک انصاف دے ساڑھے 3 ورھیاں وچ قومی اسمبلی نے 126 بل منظور کیتے سن لیکن اتحادی حکومت دے 16مہینیاں دے دوران 153 بل منظور کیتے گئے۔رپورٹ وچ آکھیا گیا کہ تحریک انصاف نے اپنے دور وچآرڈیننس اُتے انحصار کیتا، 5ورھیاں دے دوران 75 آرڈیننس قومی اسمبلی وچ پیش کیتے گئے، تحریک انصاف دے دور وچ 72 ، اتحادی حکومت دے دور وچ3آرڈیننس پیش کیتے گئے۔15ویں قومی اسمبلی دے 5ورھیاں دے دوران 452 سیشنز ہوئے، 14ویں قومی اسمبلی دے 495 سیشنز ہوئے، اک سال دے دوران قومی اسمبلی دے 130 سیشنز ہونا آئینی ضرورت اے، 5 سال دے دوران قومی اسمبلی دے سالانہ اوسطا 90 سیشن ہوئے۔رپورٹ وچ ہوردسیا گیا اے کہ 15 ویں قومی اسمبلی دے اجلاساں دے دوران 50 فیصد ایجنڈا آئٹمزادھورے رہے، 5 ورھیاں دے دوران قومی اسمبلی وچ105 وار کورم دی نشاندہی ہوئی، کورم مکمل نہ ہون پاروں قومی اسمبلی دے 72 اجلاس ملتوی ہوئے۔