استحکام پاکستان پارٹی دی رجسٹریشن مکمل، نوٹیفکیشن جاری

اسلام آباد( پنجابی میڈیا گروپ)استحکام پاکستان پارٹی دی رجسٹریشن دا عمل مکمل ہو گیا، الیکشن کمیشن آف پاکستان نے استحکام پاکستان پارٹی دی رجسٹریشن دا نوٹیفکیشن جاری کر دتا۔الیکشن کمیشن وچ رجسٹریشن دے بعد استحکام پاکستان پارٹی الیکشن لڑن دی اہل ہو گئی، الیکشن کمیشن نے استحکام پاکستان پارٹی دی جمع کرائیاں گئیاںساریاں تفصیلاں مَن لیاں، الیکشن کمیشن نے استحکام پاکستان پارٹی دے انٹراپارٹی الیکشن تسلیم کرلئے۔واضح رہے کہ استحکام پاکستان پارٹی، پاکستان دی اک نویں سیاسی جماعت اے جیہڑی سابق سربراہ پاکستان تحریک انصاف جہانگیر ترین نے قائم کیتی اے۔پارٹی دے نام دا اعلان 8 جون 2023 نوں لہور وچ اک تقریب دے دوران نیوز کانفرنس وچ کیتا گیا، تقریب وچ ملک بھر توں تقریبا 10 توں وَدھ سیاسی رہنماواں رَلت کیتی سی۔