افغان ٹرانزٹ ٹریڈ تحت پاکستان توں 212 شیواں افغانستان لے جان اُتے پابندی

کراچی( پنجابی میڈیا گروپ)وزارت تجارت نے افغانستان ٹرانزٹ ٹریڈ معاہدے تحت پاکستان توں212 شیواں افغانستان لے جان اتے پابندی لا دتی۔ٹرانزٹ ٹریڈ ایگریمنٹ تحت شیواں پاکستان دے رستے افغانستان لیجان اُتے پابندی عائد کر دتی گئی اے جس دا وزارت تجارت نے ایس آر او نمبر وی جاری کر دتا اے،شیواں دی افغان ٹرانزٹ ٹریڈ ایگریمنٹ تحت پاکستان نال افغانستان لے جان دیاجازت نہیں ہوئے گی۔ایس آر او نمبر دے مطابق 17 قسماں دا کپڑا، ساریاں قسماں دیاں گڈیاں دے ٹائرز، چائے دی پتی، کاسمیٹکس تے ٹوائلٹ وچ استعمال کیتیاں جان والیاں درجناں قسماں دیاں شیواں اُتے پابندی عائد کیتی گئی اے۔ایسی طرح نٹس، خشک تے تازہ پھل، ہوم ایپلائینسز جنہاں وچ فریج، ریفریجریٹر، ایئر کنڈشنر، جوسر، مکسر بلینڈر شامل نیں اونہاں اُتے وی افغانستان لے جان دی پابندی لا دتی گئی اے۔