حکومت دا نیب ترامیم کیس فیصلے خلاف درخواست دائر کرن دا فیصلہ

اسلام آباد( پنجابی میڈیا گروپ) حکومت نے نیب ترامیم کیس دے فیصلے دے خلاف سپریم کورٹ وچ نظرثانی درخواست دائر کرن دا فیصلہ کیتا۔سپریم کورٹ وچ نیب ترامیم دے خلاف چیئرمین پی ٹی آئی دی درخواست دے معاملے وچ پیش رفت ہوگئی۔وفاقی حکومت نے نیب ترامیم کیس دے فیصلے دے خلاف نظرثانی درخواست دائر کرن دا فیصلہ کیتا۔سپریم کورٹ نے 15 ستمبر نوں نیب ترامیم کیس دا فیصلہ سنایا سی تے عمران خان دی درخواست منظور کردئے ہوئے نیب ترامیم کالعدم قرار دے دتی سی۔عدالت نے بے نامی دی تعریف، آمدن توںودھ اثاثیاں تے بار ثبوت استغاثہ اتے منتقل کرن دی نیب ترمیم کالعدم قرار دے دتی اوس دے بعد سیاست داناں دے50 کروڑ توں گھٹ مالیت دے کرپشن کیس اک واری فیر نیب نوں منتقل ہوگئے۔عدالتی فیصلے دی روشنی وچ نیب نے نواز شریف، زرداری تے ہور سیاست داناں دے 80 کرپشن کیس بحال کردتے۔