ملک وچ مسائل نوں حل کرنا اے تے ساریاں سیاسی قوتاں نوںاَکٹھ ہونا پئے گا،ترجمان بلاول بھٹو

اگر الیکشن اپنے ویلے اُتے نہیں ہندے تے پیپلزپارٹی آئین دی پاسداری لئی ہرممکنہ فورم اُتے آواز چُکے گی
لہور( پنجابی میڈیا گروپ) چیئرمین پاکستان پیپلزپارٹی بلاول بھٹو زرداری دے ترجمان ذوالفقار علی بدر نے آکھیا اے کہ چیئرمین بلاول بھٹو نوں کریڈٹ جاندا اے جنہاں نے نہ صرف ساریاں سیاسی جماعتاں دے سربراہواں نوں جوڑ کے رکھیا بلکہ 16مہینیاں دی حکومت وچ اونہاںنوں متحد رکھیا ۔اونہاں نے صحافیاں نال گل بات کردیاں ہویاں آکھیا کہ اگر ایس ملک دے اندر جمہوری، عدالتی، آئینی، معاشی تے سماجی سارے معاملات حل کرنے نیں تے ساریاں سیاسی قوتاں نوں متحد ہونا پئے گا۔الیکشن دی تریخ بارے اونہاں دا کہنا سی کہ اگر الیکشن کمیشن، الیکشن دی مقررہ تریخ دا اعلان کر دیوے تے سارے شک و شبہات ہی ختم ہو جان گے۔