نواز شریف دے اقتداردا مطلب ہمیشہ ساریاں طبقیاں دی خوشحالی ،ملک دی ترقی ہندا اے،حمزہ شہباز

معاشی بحالی پاکستان دی بقا تے سالمیت دا مسئلہ اے، سب نوں اپنا کردار ادا کرنا پئے گا،نائب صدر مسلم لیگ (ن)
لہور (پنجابی میڈیا گروپ) پاکستان مسلم لیگ (ن) دے نائب صدر و سابق وزیر اعلیٰ پنجاب حمزہ شہباز نے آکھیا اے کہ نواز شریف دے اقتداردا مطلب ہمیشہ ساریاں طبقیاں دی خوشحالی تے ملک دی ترقی ہندا اے، معاشی بحالی پاکستان دی بقا تے سالمیت دا مسئلہ اے، سب نوں اپنا کردار ادا کرنا پئے گا۔ ایہہ گلاں اونہاں نے تاجراں نال ملاقات وچ اظہار خیال کردیاں ہویاں کیتیاں ۔ حمزہ شہباز نے آکھیا کہ ملک نوں معاشی دلدل توں نوازشریف دی قیادت وچ صرف پاکستان مسلم لیگ (ن) ہی کڈ سکدی اے۔2018ء وچ ترقی کردا پاکستان دتا سی، 2022ء وچ ڈیفالٹ والا پاکستان واپس ملیا، 2018 توں 2022 دے وچکار کاروباری برادری تے عوام نے تباہی ویکھی تے بُھگتی،2018 توں 2022 دے دوران ہون والی تباہی دا نتیجہ اے کہ نہ کاروبار چل سکدا اے تے نہ غریب دا گزارہ ہو رہیا اے۔