نگران وفاقی وزیر برائے انسانی حقوق خلیل جارج نال مولانا طاہر اشرفی دی ملاقات

اسلام آباد (بیوروروپورٹ)نگران وفاقی وزیر برائے انسانی حقوق خلیل جارج نال پاکستان علما کونسل دے چیئرمین مولانا طاہر اشرفی جمعرات نوںایتھے اونہاں دے آفس وچ ملاقات کیتی جس وچ مولانا طاہر اشرفی نے نگراں وفاقی وزیر نال جڑانوالہ دے واقعہ اُتے تبادلہ خیال کیتا۔ایس موقع اُتے وفاقی وزیر نے آکھیا کہ نگراں حکومت آئین تے قنون مطابق ساریاں شہریاں دے حقوق دے تحفظ تے ودھااُتے یقین رکھدی اے۔ اونہاں نے جڑانوالہ سانحہ وچ ملوث افراد دے خلاف فوری قنونی کارروائی اُتے نگراں وزیراعظم انوار الحق کاکڑ نوں خراج تحسین پیش کردیاں ہویاں آکھیا کہ اسیں اقربا پروری تے لاقانونیت دی اگ نوں بھڑکن نہیں دیاں گے۔ مولانا طاہر اشرفی نے جڑانوالہ واقعہ دی شدیدمذمت کیتی۔ ملاقات وچ باہمی اتفاق و اتحاداُتے زور دتا گیا۔