عوام لئی خوشخبری، پٹرول دی قیمت گھٹن دا امکان

اسلام آباد( پنجابی میڈیا گروپ)عالمی سطح اُتے پٹرول دی قیمت گھٹن توں بعد پاکستان وچ وی گھٹن دا امکان اے۔عالمی سطح اُتے پٹرول دی قیمت گھٹن توں بعد مقامی سطح اُتے پٹرول دی قیمت38 روپے جدکہ ڈیزل دی قیمت 18 روپے فی لیٹرگھٹن دی توقع اے۔عالمی مارکیٹ وچ پٹرول دی قیمت 12 ڈالر گھٹ ہوئی اے جس دے بعد پٹرول دی قیمت 102 ڈالر فی بیرل دی سطح اُتے آگئی جدکہ ڈیزل دی قیمت 9 ڈالر گھٹ کے 117 ڈالر فی بیرل ہوگئی اے۔یاد رہے کہ نگران حکومت نے 30 ستمبر نوں پٹرول دی قیمت 8 روپے گھٹ کیتی سی جس دے بعد نویں قیمت 323.38 روپے اے جدکہ ہائی سپیڈ ڈیزل وی11 روپے سستا کیتا گیا تے نویں قیمت 318.18 روپے مقرر کیتی گئی سی۔