توشہ خانہ ریفرنس: نوازدے وارنٹ گرفتاری جاری، زرداری نوں اج حاضری توں استثنی

اسلام آباد: اسلام آباد دی احتساب عدالت نے توشہ خانہ کیس وچ سابق وزیراعظم نواز شریف دے وارنٹ گرفتاری جاری کر دیتے۔

آصف زرداری دی حاضری توں استثنی دی درخواست منظور جد کہ یوسف رضا گیلانی نوں گرفتار کرن دی نیب دی استدعا مسترد کر دتی گئی۔

احتساب عدالت اسلام آباد دے جج اصغر علی نے توشہ خانہ گڈیاں دے ریفرنس دی سماعت کیتی۔ نیب پراسیکیوٹر نے دسیا نواز شریف دے جاتی عمرہ تے سمن دی تعمیل کرائی گئی، تاہم اوہ پیش نہیں ہوئے، نواز شریف، آصف زرداری دے وارنٹ گرفتاری جاری جد کہ یوسف رضا گیلانی تے ملزم عبدالغنی مجید نوں گرفتار کیتا جاوے۔

وکلا صفائی نے موقف اپنایا کہ ملزم آصف زرداری تے انور مجید ہسپتال وچ زیر علاج نیں، سفر نہیں کرسکدے، چیئرمین نیب نے وارنٹ گرفتاری جاری نہیں کیتے تے نیب پراسیکوٹر کینجھ گرفتاری دا کہہ سکدے نیں ؟۔