غزہ : پرتشدد اسرائیلی حملے ، فلسطینی شہیداں دی تعداد 1200 توں وَدھ گئی

مقبوضہ بیت المقدس (پنجابی میڈیا گروپ)حماس دے حملیاں بعد غزہ اُتے اسرائیلی بمباری دا سلسلہ جاری اے تے فلسطینی شہیداں دی تعداد 1200 توں وَدھ گئی جدکہ 5ہزار توں وَدھ زخمی نیں ۔غزہ اُتے مسلسل 6ویں دن اسرائیل دی اندھا دھند بمباری جاری اے، غزہ وچ انسانی بحران شدت اختیار کر رہیا اے کیونکہ ہسپتال بجلی توں محروم ہو رہے نیں جیتھے ہزاراں زخمی اپنی زندگیاں دے بقا دی جنگ لڑ رہے نیں۔عرب میڈیا دے مطابق اج اسرائیلی بحریہ نے غزہ دے مغرب وچ پناہ گزین کیمپ اُتے بمباری کیتی، اسرائیلی فوج نے اعلان کیتا اے کہ اوس نے غزہ دی پٹی وچ حماس دے کئی مرکزاں اُتے وڈھے پیمانے اُتے حملے کیتے نیں۔خبررساں ادارے دے مطابق غزہ وچ پچھلے 5دناں دے دوران 20 توں وَدھ مسجداں نوں شہید کیتا گیا اے۔