آئندہ ماہ پیٹرول دی قیمت وچ 7 روپے 6 پیسے کمی دا امکان، وزارت پیٹرولیم نوں سمری ارسال

اسلام آباد: پٹرولیم مصنوعات دی قیمتاں وچ ردوبدل دی سمری وزرات پٹرولیم نوں ارسال کیتی گئی اے جس وچ پٹرول تے مٹی دے تیل دی قیمت وچ کمی، ڈیزل دے نرخیاں وچ اضافے دی تجویز دتی گئی اے۔

عوام لئی خوشخبری، اوگرا نے پیٹرول دی قیمت وچ 7 روپے 6 پیسے فی لیٹر کمی دی سفارش کر دتی، وزارت پیٹرولیم دی منظوری دی صورت وچ یکم جون توں پیٹرول دی نوی قیمت 74 روپے 52 پیسے فی لیٹر ہون دا امکان اے۔

اوگرا نے مٹی دے تیل دی قیمت 11 روپے 88 پیسے کمی دے بعد 35 روپے 56 پیسے فی لیٹر کرن دی سفارش کیتی اے، ڈیزل دی قیمت 5 پیسے اضافے توں نعی قیمت 80 روپے 10 پیسے فی لیٹر ہون دا امکان اے جدکہ لائٹ اسپیڈ ڈیزل دی قیمت 9 روپے 37 پیسے کمی دے بعد 38 روپے 14 پیسے فی لیٹر کرن دی وی تجویز دتی گئی اے۔