امریکا اسرائیل گٹھ جوڑ؛ جوبائیڈن نے اسپتال حملے وچ اسرائیل نوں کلین چٹ دے دتی

نویں دہلی( پنجابی میڈیا گروپ)غزہ دے اک اسپتال وچ حملے وچ500 فلسطینیاں دیاں شہادتاں دے اگلے ہی دن امریکی صدر جوبائیڈن صیہونی ریاست دے نال اظہار یکجہتی لئی اسرائیل پہنچ گئے۔ عالمی خبر رساں ادارے مطابق امریکی صدر جوبائیڈن اسرائیل دے دورے اُتے پہنچ گئے جیتھے وزیراعظم نیتن یاہو نے اونہاں دا استقبال کیتا۔ دوناں رہنماواں نے ملاقات کیتی جس وچ غزہ دی صورت حال اُتے تبادلہ خیال کیتا گیا۔امریکی صدر نے ایہ دورہ غزہ دے اک اسپتال اُتے اسرائیلی حملے وچ500 فلسطینیاںدی شہادت دے اگلے دن کیتا اے تے صدر جوبائیڈن ایس سفاکانہ عمل اُتے اسرائیل دی مذمت کرن دی بجائے اظہار یکجہتی کرن پہنچ گئے۔امریکی صدر نے ملاقات وچ اسرائیل نوں اسلحہ دی فراہمی تے خارجہ معاملات وچ وی مکمل تعاون دی یقین دہانی کرائی جَد کہ حماس دے حملے وچ مارے جان والے 1700 توں وَدھ اسرائیلیاں دیاں موتاں اُتے نیتن یاہو نال تعزیت وی کیتی۔