بیجنگ: چینی کمپنی تے پاکستان ریفائنری دے وچکارڈیڑھ ارب ڈالر داایم او یو سائن

بیجنگ(پنجابی میڈیا گروپ)چینی کمپنی تے پاکستان ریفائنری دے وچکار ڈیڑھ ارب ڈالر سرمایہ کاری دے ایم او یو اُتے دستخط ہوگئے، پاکستان ریفائنری دی پیٹرول دی پیداوار ڈھائی لکھ توں وَدھ کے16 لکھ میڑک ٹن تے ڈیزل دی پیداوار 6 لکھ توں 20 لکھ میٹرک ٹن ہو جائے گی۔میڈیا دے مطابق نگران وزیر اعظم انوار الحق کاکڑ دی پاکستان تے چینی کمپنی دے وچکار مابین پیٹرول دی صنعت وچ1.5ارب ڈالر دی سرمایہ کاری دی مفاہمتی یادداشت اُتے بیجنگ وچ دستخط دی تقریب منعقد ہوئی۔ تقریب وچ نگران وفاقی وزیر توانائی محمد علی وی موجود سن۔دوران تقریب یونائیٹڈ انرجی گروپ تے پاکستان ریفائنری لمیٹڈ دے وچکار مفاہمتی یاداشت اُتے دستخط ہوئے۔ریفائنری توں حاصل ہون والا پیٹرول تے ہائی اسپیڈ ڈیزل نہ صرف مہنگے درآمدی ایندھن دا متبادل ہوئے گا بلکہ ریفائنری دی پیٹرول دی کل پیداواری استعداد اڑھائی لکھ میٹرک ٹن توں وَدھ کے16 لکھ میڑک ٹن تے ہائی اسپیڈ ڈیزل دی پیداوار 6 لکھ میٹرک ٹن توں وَدھ کے20لکھ میٹرک ٹن ہو جائے گی۔