پاکستان تے روس دے وچکار تیل دی خریداری دا لمبا معاہدہ ہو گیا

اسلام آباد( پنجابی میڈیا گروپ) روس توں سستے تیل دی خریداری وچ اہم پیش رفت سامنے آگئی، پاکستان تے روس دے وچکار تیل دی خریداری دا لمبا معاہدہ طے پاگیا۔میڈیا نوں ذرائع نے دسیا اے کہ معاہدہ کمرشل بنیاداں اُتے ہویا، لوکل ریفائنریز روس توں براہ راست تیل خریدن گے، ریگولر سپلائی دے بعد گورنمنٹ ٹوگورنمنٹ معاہدہ ہوئے گا۔وزارت پیٹرولیم دے ذرائع دا کہنا اے کہ روس نال کمرشل معاہدے دے بعد پہلا آئل ٹینکر جہاز دسمبر وچ پاکستان پہنچے گا، پہلا آئل ٹینکر 1لکھ میٹرک ٹن خام تیل اُتے مشتمل ہوئے گا، روس پاکستان نوں پورٹ اُتے تیل پہنچا کر دیوے گا۔ذرائع مطابق روسی تیل دی قیمت 60 ڈالر فی بیرل ہوئے گی، ایس کمرشل معاہدے وچ جی سیون ملکاں دی روسی تیل دی قمیت دی حد نوں مدنظر رکھیا گیا اے۔ذرائع نے دسیا اے کہ روسی خام تیل کرایہ تے پریمیم کَڈ کے وی عام مارکیٹ توں 10ڈالر فی بیرل سستا اے، پہلے ٹیسٹ کارگو وچ وی پاکستان نوں4 کروڑ ڈالر دی بچت ہوئی۔